देवेंद्र फडणवीस पुन्हा मुख्यमंत्री होत नाहीत: एकनाथ खडसेंची भविष्यवाणी
मी पुन्हा येईल.. मी पुन्हा येईल अशी गर्जना करणारे माजी मुख्यमंत्री (Devendra fadanvis)देवेंद्र फडणवीस यांना एकनाख खडसेंनी टोला लगावला आहे.मी पुन्हा येईन, म्हणणारे देवेंद्र फडणवीसांचा सत्तेसाठी जीव गुदमरत आहे.मात्र ते आता पुन्हा ते मुख्यमंत्री होत नाहीत, अशी खोचक टिका एकनाथ खडसे यांनी केली आहे. जळगाव येथे राष्ट्रवादी कॉंग्रेस पक्षाची बैठक सुरु असताना (Ekneth Khadse) एकनाथ खडसे बोलत होते.
शुक्रवारी जळगाव (Jalgoan) दौऱ्यावर असताना बैठक आयोजित करण्यात आली होती.यावेळी खडसे म्हणाले ,गेल्या अडीच वर्षापासून राज्यातील महाविकास आघाडी सरकार मजबूतीने काम करीत आहे.त्यामुळे विरोधक सरकारवर आरोप करुन बदनाम करण्याचा प्रयत्न करीत आहेत.आघाडीचे नेते शरद पवार (Sharad pawar)यांच्या घरावर हल्ला हे अत्यंत खालच्या पातळीचे राजकारण आहे.
ज्याचे विरोध पक्षनेते देवेंद्र फडणवीस यांच्यावर त्यांनी जोरदार टीका केली. खडसे म्हणाले, मी पुन्हा येईलच्या नादात देवेंद्र फडणवीस खालच्या पातळीचे राजकारण करीत आहेत. त्यामुळे जनतेने आता तुम्हाला नाकारले आहे. आता ते पुन्हा मुख्यमंत्री (CM) होणार नाही असा टोलाही त्यांनी लगावला.
ते पुढे म्हणाले, मी देखील विरोधी पक्षनेता होतो. आपण सरकारवर आरोप केले परंतु व्यक्तीगत दुश्‍मनी केली नाही, सध्या विरोधकांचे सत्तेसाठी अत्यंत खालच्या दर्जाचे राजकारण सुरू आहे. एसटी कर्मचाऱ्यां‍च्या आंदोलनात भाजपाचे नेते दिशाभूल करीत असल्याचेही त्यांनी आपल्या भाषणात सांगितले.
