भाजपला मत द्या आणि ५० रुपयांना दारु मिळवा, भाजप नेत्याची मतदारांना ऑफर
गुजरात आणि बिहारमध्ये सत्तेत असलेल्या भाजपने तिथे अनेक वर्षांपासून दारुबंदी केली आहे. पण आता भाजपच्या एका नेत्याने चक्क मतदारांना दारुची खुली ऑफर दिली आहे. मतांसाठी राजकारणी कोणत्याही थराला जाऊ शकतात याची अनेक उदाहरणं पहायला मिळतात. पण भाजपच्या एका नेत्याने मात्र सर्व मर्यादा ओलांडत वादग्रस्त वक्तव्य केले आहे. आंध्र प्रदेश भाजपचे प्रदेशाध्यक्ष सोमू वीरराजू यांनी हे वक्तव्य केले आहे. विजयवाडा येथे एका जाहीरसभेत बोलताना वीरराजू यांनी मतांसाठी जनतेला आवाहन केले, पण यावेळी त्यांनी धक्कादायक वक्तव्य केले. "आंध्रप्रदेशमध्ये भाजपला एक कोटी मतं मिळाली तर आम्ही ७० रुपयांना दारु देऊ आणि एवढेच नाही तर यातूनही पैसे उरलेच तर दारु ५० रुपयांना देऊ", अशी ऑफरचा या महाशयांनी दिली आहे. एएनआय या वृत्त वाहिनीने हे वृत्त दिले आहे.
भाजपा का नया नारा-
— Astro Deval INC (@AstroD98102126) December 29, 2021
तुम मुझे वोट दो-भाजपा तुम्हें सस्ती शराब देगी।
"Cast one crore votes to Bharatiya Janata Party...we will provide liquor for just Rs 70." Andhra Pradesh BJP president Somu Veerraju. pic.twitter.com/9qQcvx4OpI
एवढेच बोलून हे महाशय थांबलेले नाहीत तर त्यांनी सध्याचे सरकार हे निकृष्ट दर्जाची दारु विकत असून त्यासाठी लोकांकडून जास्त पैसे उकळले जात आहेत, असा आरोपही त्यांनी केला आहे. सध्या आंध्रप्रदेशमध्ये १ कोटी लोक ही महागडी दारु पित आहेत पण २०२४च्या विधानसभा निवडणुकीत त्यांनी भाजपला मत दिले तर आम्ही स्वस्त दारु देऊ असे आश्वासनच या महाशयांनी दिले आहे.
दरम्यान वीरराजू यांच्या या वक्तव्यावर काँग्रेस नेत्या डॉ. शमा मोहम्मद यांनी टीका केली आहे, गुजरात आणि बिहारमध्ये दारुबंदी आणि आंध्र प्रदेशात स्वस्त दारुचे आश्वासन हे भाजपचे दुटप्पी धोरण असल्याची टीका त्यांनी केली आहे.
"Cast 1 cr votes to BJP, we will provide liquor for just Rs 70. If we have more revenue left, then will provide liquor for just Rs 50", says Andhra Pradesh BJP president Somu Veerraju. Prohibition in Gujarat & Bihar & cheap liquor elsewhere. This is the flexible ideology of BJP!
— Dr. Shama Mohamed (@drshamamohd) December 29, 2021
तर दुसरीकडे वीरराजू यांच्या वक्तव्यानंतर सोशल मीडियावर काही मीम्सही व्हायरल होत आहेत.
@somuveerraju gari favourite breakfast combo 🤗 pic.twitter.com/mW5IMTYDGK
— SMWFH🕸😎 (@BabuReadyBabuu) December 29, 2021
