दुष्काळ जाहीर करण्यासह विविध मागण्यांसाठी शेतकऱ्यांचा रास्ता रोको

यंदाचा पावसाळा पूर्णपणे कोरडा गेला असून खरिपाचे पूर्णपणे पीक हे शेतकऱ्यांच्या हातून गेले आहे. येवला तालुक्यात दुष्काळ जाहीर करावा, सक्तीची कर्ज वसुली थांबवावी, कांद्याचे अनुदान त्वरित जमा करावे, चारा छावण्या चालू करण्यात याव्या, टँकरने पाणीपुरवठा चालू करावा यासह विविध मागण्यांसाठी येवला-नांदगाव रोडवरील राजापूर गावात उद्धव ठाकरे गटाचे शिवसैनिक व शेतकऱ्यांनी संतप्त होत रास्ता रोको आंदोलन करण्यात आले. यावेळी कर्ज वसुलीच्या नोटिसीची होळी करण्यात आली.