भिवंडीत मदरशातील २६ मुलांना अन्नातून विषबाधा 

भिवंडीतील रोशन बाग भागातील दिवान शाह मदरशात शिकणाऱ्या २६ विद्यार्थ्यांना विषबाधा झाल्याचे समोर आले आहे. या प्रकारानंतर विद्यार्थ्यांना तातडीने जवळच्या खासगी रुग्णालयात दाखल करण्यात आले. यातील ५ मुलांची प्रकृती गंभीर आहे. मदरशात मटन बिर्याणी खाल्यानंतर त्यांना अचानक उलट्यांचा त्रास होऊ लागला.

बुधवारी संध्याकाळी हा प्रकार घडला असून यात नैर आलम, नबीर अहमद, रशीद शेख, सोहेल अहमद, अबीद हुसेन, फिरोज अख्तर, निजामुद्दीन, कलाम उद्दीन, मुद्दसीर, सागीर आलम, इम्रान मुगल, मोहम्मद जाफर, मो. इर्शाद आलम, मो. महेफुज मंसुरी, सागीरुल मुघल, शहाबाज, मो. जसीन, आफताब आलम, मो. नवीद, मरगुब, शाकीर, शहाजन, अफसर, अबीद खान, वसीम अख्तर या १३ ते १४ वयोगटातील २६ मुलांना अन्न विषबाधा झाली आहे.