डोक्यावरुन पाणी गेलं तर त्यांना पाण्यात बुडवणार – संजय राऊत

भाजपला उत्तर देण्याची शिवसेनेची खेळी नसून जशास तसे उत्तर देणे हा शिवसेनेचा धर्म आणि स्वभाव आहे जशास तसे उत्तर आम्ही नेहमीच देत राहू असा इशारा शिवसेनेचे खासदार संजय राऊत यांनी दिला आहे. मुख्यमंत्र्यांनी शुक्रवारी घेतलेल्या बैठकीत ज्या सूचना दिल्या आहे त्याचे पालन केले जाणार असल्याचे त्यंनी सांगितले. धर्माच्या आणि जातीच्या नावाने नाव खराब करण्याचे काम काही जण करत आहे खास करून महाराष्ट्रची बदनामी काही असामाजिक संघटना करत आहे, त्यांना उत्तर देणा आणि सामोरेही जाणार असल्याचा इशारा त्यांनी दिला. "आतापर्यंत आम्ही सत्ता आणि सरकार असल्याने संयम बाळगला पण पाणी डोक्यावरून जात असेल तर त्या पाण्यामध्ये आम्हालाला इतरांना बुडवावे लागेल, असा इशाराही त्यांनी दिला आहे. "आम्हाला लढण्याचे प्रशिक्षण देण्याची गरज नाही आणि आम्हाला भाडोत्री लोक देखील लागत नाही, आम्ही दुसऱ्याच्या खांद्यावर बंदूक ठेऊन लढत नाही, असा टोलाही त्यांनी लगावला आहे.