शिवसेना गोठल्यानंतर मनसे प्रवक्त्यांनी दिलेल्या प्रतिक्रीयांवर राज ठाकरे भडकले

शिवसेनेतील दोन्ही गटाने आम्हीच शिवसेना असल्याचा दावा केल्याने मोठा पेच निर्माण झाला होता. त्यामुळे निवडणूक आयोगाने शिवसेना पक्षाचे नाव आणि धनुष्यबाण गोठवण्याचा निर्णय घेतला. त्यावर मनसेने नेते संदीप देशपांडे यांनी प्रतिक्रीया देतांना म्हटले की, संपलेल्या पक्षावर आम्ही बोलत नाही म्हणणाऱ्यांच्या पक्षाचे नावही गोठले आणि चिन्हही, कालाय तस्मै नमः, असं म्हणत उध्दव ठाकरे गटावर टीका केली.

संपलेल्या पक्षावर आम्ही बोलत नाही म्हणणाऱ्यांचा नाव ही संपलं आणि चिन्ह ही कालाय तस्मै नमः ।

— Sandeep Deshpande (@SandeepDadarMNS) October 8, 2022

तसेच मनसे नेते अमेय खोपकर म्हणाले होते की, चिन्ह बदलतात, कुणाची गोठतात, मात्र आमचं रेल्वे इंजिन मात्र सुसाट धावते.

चिन्हं बदलतात… कुणाची गोठतात
आमचं रेल्वे इंजिन मात्र सुसाट धावतंय pic.twitter.com/58J79DgMMQ

— Ameya Khopkar (@MNSAmeyaKhopkar) October 8, 2022

मनसे नेते गजानन काळे यांनी पक्ष आणि चिन्ह गोठवल्यानंतर ट्वीट करून, धनुष्य बाण चिन्ह गोठवल गेलंय, या पुढे शिवसेना हे नाव पण वापरता येणार नाही. आता शिल्लक सेना प्रमुख यांना राष्ट्रवादी च "घड्याळ"नाहीतर अबू आझमीच्या "सायकल"चाच आधार आहे. संपलेल्या पक्षा बद्दल बोलत नाही, असे म्हणणारे युवराज यांचा पक्ष आणि चिन्ह आता इतिहासात जमा, अशी खोचक टीका मनसे प्रवक्ते गजानन काळे यांनी केली.

धनुष्य बाण चिन्ह गोठवल गेलंय, या पुढे शिवसेना हे नाव पण वापरता येणार नाही ...

आता शिल्लक सेना प्रमुख यांना राष्ट्रवादी च "घड्याळ"नाहीतर अबू आझमी च्या "सायकल"चाच आधार आहे ...
संपलेल्या पक्षा बद्दल बोलत नाही असे म्हणणारे युवराज यांचा पक्ष आणि चिन्ह आता इतिहासात जमा ...

— Gajanan Kale (@GajananKaleMNS) October 8, 2022

मनसे प्रवक्त्यांनी शिवसेना पक्ष आणि चिन्ह गोठल्यानंतर दिलेल्या प्रतिक्रीयांवरून राज ठाकरे यांनी यापुढे कोणत्याही मनसे पदाधिकाऱ्यांनी शिवसेना पक्ष आणि चिन्हाबाबत प्रतिक्रीया देऊ नये, असे थेट आदेश दिले आहेत.

सध्या सुरु असलेल्या राजकीय घडामोडींवर माझ्या कोणत्याही महाराष्ट्र सैनिकांनी, कुठल्याही माध्यमांवर अथवा सोशल मीडियावर बोलू किंवा लिहू नये.

मी योग्य वेळेस पक्षाची ह्या सगळ्यावर भूमिका मांडेन.

— Raj Thackeray (@RajThackeray) October 9, 2022