Home > Politics > राष्ट्रपती रामनाथ कोविंद, पंतप्रधान नरेंद्र मोदी यांनी दिल्या देशवासियांना ओणमच्या शुभेच्छा

राष्ट्रपती रामनाथ कोविंद, पंतप्रधान नरेंद्र मोदी यांनी दिल्या देशवासियांना ओणमच्या शुभेच्छा

राष्ट्रपती रामनाथ कोविंद, पंतप्रधान नरेंद्र मोदी यांनी दिल्या देशवासियांना ओणमच्या शुभेच्छा
X

मुंबई : देशाच्या विविध भागांमध्ये हजारो नागरिकांनी ओणम कापणीचा सण साजरा केला. यानिमित्ताने अनेकांनी सोशल मीडिया प्लॅटफॉर्मवर शुभेच्छा दिल्या आहेत. जगभरात राजा महाबलीच्या पुनरागमनचा हा उत्सव साजरा केला जातो, राजा महाबलीच्या राजवटीत प्रत्येकजण आनंदात आणि समानतेने जगला होता. या निमित्ताने देशाचे पंतप्रधान नरेंद्र मोदी यांनी ट्विटरच्या माध्यमातून देशाला शुभेच्छा दिल्या. "सकारात्मकता, चैतन्य, बंधुता आणि सौहार्दाशी संबंधित सण ओणमच्या शुभेच्छा. मी प्रत्येकाच्या चांगल्या आरोग्यासाठी आणि कल्याणासाठी प्रार्थना करतो," असे ट्विट पंतप्रधान मोदी यांनी केले आहे.

दरम्यान राष्ट्रपती रामनाथ कोविंद यांनी देखील ट्विटरच्या माध्यमातून देशवासियांना शुभेच्छा दिल्यात, 'आमच्या सर्व सहकारी नागरिकांना ओणमच्या शुभेच्छा! हा सण म्हणजे नवीन कापणीचा उत्सव. यात शेतकऱ्यांच्या अथक कार्यावर प्रकाश टाकण्यात आला आहे. आई निसर्गाबद्दल कृतज्ञता व्यक्त करण्याचा हा एक प्रसंग आहे. मी सर्व नागरिकांसाठी प्रगती आणि समृद्धीची इच्छा करतो' असे राष्ट्रपती रामनाथ कोविंद यांनी आपल्या ट्विटमध्ये म्हटले आहे. ओणम सण हा केरळमध्ये विशेष पद्धतीने साजरा केला जातो. फुलांचा गालिचा, नवीन कपडे आणि भव्य मेजवानी देऊन हा सण साजर केला जातो. दक्षिणेकडील राज्याच्या काही भागात, महाबलीची वेशभूषा करत हा सण साजरा होतो, पारंपारिक दिवे आणि भाताने भरलेल्या भांड्यांसह महाबलीची वेशभूषा केलेल्या व्यक्तीचे स्वागत केले जाते.

Updated : 21 Aug 2021 4:16 AM GMT
Tags:    
Next Story
Share it
Top