गुलाबराव पाटील यांचा आदित्य ठाकरे यांना थेट इशारा

आदित्य ठाकरे यांनी आमच्याबद्दल बोलताना योग्य भाषेचा वापर करावा नाहीतर आम्ही तोंड सुरू केले तर तुम्हला आवरणार नाही, असा इशारा गुलाबराव पाटील यांनी दिला आहे. गुलाबराव पाटील यांनी मंगळवारी मंत्रीपदाचा पदभार स्वीकारल्यानंतर प्रतिक्रिया दिली आहे. आदित्य ठाकरे हे बाळासाहेब ठाकरे यांच्या प्रॉपर्टीचे वारसदार होऊ शकतात पण विचारांचे नाही, अशी टीकाही त्यांनी केली आहे. आदित्य ठाकरे यांना एकट्याला आमदार होण्यासाठी दोन जणांना विधान परिषदेवर आमदार म्हणून पाठवावे लागले, तुम्ही खरे वारसदार होता मग दोन जणांना विझान परिषदेवर का पाठवावे लागले, असा सवालही गुलाबराव पाटील यांनी विचारला आहे. एवढेच नाही तर आदित्य ठाकरे यांनी वयाचा विचार करावा नाहीतर आम्ही बोलण्यामध्ये एवढे कठीण आहोत की तुम्हाला आवरणार नाही, असा इशाराही दिला आहे.