मंत्रिमंडळ विस्तार: बच्चू कडू यांना का डावलले?
एकनाथ शिंदे यांच्या सरकारचा पहिला मंत्रिमंडळ विस्तार होतो आहे. पण विस्तारात एकनाथ शिंदे यांच्या गटात सहभागी झालेल्या आणि ठाकरे सरकारमध्ये मंत्री असणाऱ्या काही मंत्र्यांना संधी देण्यात आलेली नाही. मागच्या ठाकरे सरकारमध्ये मंत्री असलेल्या दोन शिंदे गटाच्या मंत्र्यांना एकनाथ शिंदे यांच्या सरकारमध्ये डच्चू देण्यात आला आहे.
मागच्या सरकारमध्ये मंत्री असलेले आणि शिंदे गटात सहभागी झालेल्या मंत्र्यांची यादी
एकनाथ शिंदे - नगरविकास मंत्री
उदय सामंत - उच्च व तंत्रशिक्षण मंत्री
गुलाबराव पाटील - पाणीपुरवठा मंत्री
संदीपान भुमरे - रोजगार हमी मंत्री
शंभुराज देसाई - गृहराज्य मंत्री
अब्दुल सत्तार - राज्यमंत्री
बच्चू कडू - राज्यमंत्री
दादा भूसे - कृषिमंत्री
राजेंद्र यड्रावकर - राज्य आरोग्यमंत्री
यापैकी एकनाथ शिंदे यांच्या नवीन सरकारमध्ये
दादा भूसे
संदीपान भूमरे
उदय सामंत
तानाजी सावंत
दीपक केसरकर
शंभुराजे देसाई
अब्दुल सत्तार
गुलाबराव पाटील
संजय राठोड
यांना संधी देण्यात आली आहे. संजय राठोड हे मागच्या उद्धव ठाकरे सरकारमध्ये मंत्री होते. मात्र, संजय राठोड यांच्यावर पूजा चव्हाण मृत्यू प्रकरणात आरोप करण्यात आल्यानं त्यांना राजीनामा द्यावा लागला होता. तर विस्ताराच्या पहिल्या टप्प्यात अपक्ष आमदार बच्चू कडू यांना संधी नाकारण्यात आली आहे.
तर दुसरीकडे मागच्या ठाकरे सरकारमध्ये मंत्री राहिलेल्या बच्चू कडू आणि राजेंद्र यड्रावकर यांना पुन्हा संधी नाकारली आहे. एकनाथ शिंदे यांच्या गोवाहटीच्या बंडामध्ये बच्चू कडू यांचा सहभाग होता तरीही बच्चू कडू यांना का डावलले असा सवाल आता उपस्थित होतो.
