फिर मिलेंगे असं सांगत एकनाथ शिंदे यांचे उड्डाण

महाविकास आघाडी सरकारमधील मंत्री आणि शिवसेनेचे नेते एकनाथ शिंदे यांनी बंडखोरी केल्यानंतर एकच खळबळ उडाली. यानंतर मंगळवारी रात्री सुमारे २.१५ मिनिटांच्या सुमारास एकनाथ शिंदेंसह सर्व आमदारांना सूरतमधील हॉटेलमधून विमानतळावर नेण्यात आले. बंडखोर आमदारांना घेऊन जाणाऱ्या तीन बसेस विमानतळावर पोहोचल्यानंतर पत्रकारांशी बोलताना जय महाराष्ट्र, बाळासाहेबांचा 'गर्व से कहो हम हिंदू हैं' हा नारा सार्थ केला जाईल, फिर मिलेंगे अशी पहिली प्रतिक्रिया एकनाथ शिंदे यांनी दिली.विधानपरिषद निकालानंतर महाविकास आघाडीमध्ये खळबळ उडाली.

शिवसेना नेते मिलिंद नार्वेकर यांनी सुरतमध्ये जावून एकनाथ शिंदे यांची भेट घेतली आहे. मात्र, या. चर्चेतून अद्याप कोणताही मार्ग निघाला नसून चर्चा निष्फळ ठरल्याचं दिसत आहे. त्यामुळे एकनाथ शिंदे पुढे नेमकं कोणतं पाऊल उचलणार? याकडे सर्वांचं लक्ष लागलं आहे.

मध्यरात्री शिवसेना आमदारांचं सुरतमधील हॉटेलमधून एअरलिफ्ट होण्याची शक्यता आहे. त्यांना अहमदाबाद किंवा मुंबईपासून २७०० किमी दूर आसाममधील गुवाहटी येथे घेऊन जाण्यात येणार असल्याचं कळत आहे. संबंधित आमदारांना घेऊन जाण्यासाठी सुरत विमानतळावर तयारी करण्यात आली होती. याठिकाणी तीन चार्टर्ड विमानं तयार ठेवण्यात आली होती. एकनाथ शिंदे यांच्या सोबत 34 आमदार आणि सहा अपक्ष आमदार असल्याचे सांगितले जात आहे.

काल मुख्यमंत्री उद्धव ठाकरे यांच्या निवासस्थानी झालेल्या मॅरेथॉन बैठकीनंतर एकनाथ शिंदे यांचा शिवसेना गटनेते पद काढून घेण्याचा निर्णय घेण्यात आला. शिवडी चे आमदार अजय चौधरी यांना न व गटनेतेपद देण्यात आला असून शिवसेना नेत्यांनी कालच विधानसभा उपाध्यक्ष नरहरी झिरवाळ यांना भेटून यासंबंधीचे पत्र दिले आहे. बंडासाठी कानाता सुरत वरून दोन हजार सातशे किलोमीटर अंतरावरून गुवाहाटी येथे पोचल्याने राजकारणाचा पॉलिटिकल ड्रामा अधिक वाढला आहे.