मोदीजी ते ड्रोन कोरोना काळातही पाठवले असते, काँग्रेसचा टोला

पंतप्रधान नरेंद्र मोदी यांनी शुक्रवारी ड्रोन फेस्टिवलचे उद्घाटन केलेच. यावेळी त्यांनी एक वक्तव्य केले, त्या वक्तव्यावरुन आता विरोधकांनी मोदींवर टीकास्त्र सोडवले आहे. “मला जेव्हा देशभरातील विकासकामांची माहिती घ्यायची असते तेव्हा मी तिथे ड्रोन पाठवतो आणि तिथली माहिती माझ्यापर्यंत आलेली असते” असे वक्तव्य केले होते. आता या वक्तव्यावरुन विरोधकांनी नरेंद्र मोदी यांना टार्गेट केल आहे.

काँग्रेसने मोदींना यावरुन काही सवाल उपस्थित केले आहेत. “नरेंद्र मोदी यांच्या ड्रोन्सना फक्त भाजपचा अजेंडा दिसतो, पण चीनचे अतिक्रमण जाणूनबुजून दुर्लक्षित केले जाते” असा टोला काँग्रेसने लगावला आहे. तर “मोदीजी यांच्या ड्रोन्सना सर्व चांगलेच दिसते. पण मोदीजींनी कोरोना काळात ड्रोन्स पाठवले असते तर रडणारे लोक आणि मृतदेहांचे ढीग त्यांना दिसले असते.” असा टोला काँग्रेसने लगावला आहे.