'भोक तुमच्या फुग्याला पडलंय' ; चंद्रकांत पाटील यांचं शिवसेनेला प्रत्युत्तर
मुंबई// 'अनिल परब यांच्याबाबत आम्ही कोर्टात याचिका करणार आहोत. त्यांची क्लिप काल जगानं पाहिली. किती कायदा हातात घेणं चाललंय? किती अरेरावी चाललीये? पोलिस आणि गुंडांच्या बळावर हे सरकार चाललंय. त्यामुळे ती क्लिप घेऊन आम्ही न्यायालयात जातोय'
असं भाजप प्रदेशाध्यक्ष चंद्रकांत पाटील यांनी म्हटले आहे. याबाबत चंद्रकांत पाटील यांनी ट्विट करत ठाकरे सरकारवर जोरदार निशाणा साधला.
दरम्यान 'स्वातंत्र्याला ७५ वर्षे झाली हा संदर्भ देताना मुख्यमंत्री उद्धवजी चुकले, हे झाकण्यासाठी सगळा खटाटोप सुरू आहे. मारण्यासाठी मातोश्रीवर जाईन, शोधून मारेन असं काहीही राणेसाहेब म्हणालेले नव्हते. एखाद्या वाक्याबाबत समजावण्याची व्यवस्था आहे. पण इतकं टोक गाठणं चुकीचं आहे' असं देखील पाटील यांनी म्हटले आहे.
दरम्यान ज्या वाक्यावरून राज्यात एवढा गोंधळ उडाला ते वाक्य काय आहे? पण मुख्यमंत्री उद्धवजींनी स्वातंत्र्याबाबतचा संदर्भच चुकवला. त्यांना अजिबात ज्ञान नाही. त्यामुळे त्यांना खुर्चीवर बसण्याचा अधिकारही नाही. ते राहिलं बाजूलाच, उलट ते झाकण्यासाठी राणे राणे जप करत अटकेचं सूडनाट्य रचलं जात असल्याचे चंद्रकांत पाटील म्हणाले.
ज्या एका वाक्यावरून इतका कोलाहल निर्माण केला,ते वाक्य काय आहे? पण मुख्यमंत्री उद्धवजींनी स्वातंत्र्याबाबतचा संदर्भच चुकवला. त्यांना अजिबात ज्ञान नाही. त्यामुळे त्यांना खुर्चीवर बसण्याचा अधिकारही नाही. ते राहिलं बाजूलाच, उलट ते झाकण्यासाठी राणे राणे जप करत अटकेचं सूडनाट्य रचलं.3/5
ज्या एका वाक्यावरून इतका कोलाहल निर्माण केला,ते वाक्य काय आहे? पण मुख्यमंत्री उद्धवजींनी स्वातंत्र्याबाबतचा संदर्भच चुकवला. त्यांना अजिबात ज्ञान नाही. त्यामुळे त्यांना खुर्चीवर बसण्याचा अधिकारही नाही. ते राहिलं बाजूलाच, उलट ते झाकण्यासाठी राणे राणे जप करत अटकेचं सूडनाट्य रचलं.
— Chandrakant Patil (@ChDadaPatil) August 25, 2021
सोबतच शिवसेनेकडून चंद्रकांत पाटील यांच्यावर करण्यात आलेल्या टीकेला देखील त्यांनी प्रत्युत्तर दिले आहे. आज सामनाच्या अग्रलेखातून ' नारायण राणे यांच्या रूपाने देवेंद्र फडणवीस आणि चंद्रकांत पाटील यांच्या गळ्यात फटका फुगा अडकल्याची टीका करण्यात आली होती याबाबत चंद्रकांत पाटील यांनी प्रतिक्रिया देताना 'भोक तुमच्या फुग्याला पडलंय.' राऊतसाहेब, आरोप करणाऱ्या महिलेलाच तुम्ही जेलमध्ये दाबता. सत्तेचा दुरुपयोग करता. उपसभापती असूनही नीलमताई शिवसेना प्रवक्त्यासारखं बोलतात. त्यांनाही आम्ही न्यायालयात खेचणार आहोत. त्या उपसभापती असूनही राणेंना दुतोंड्या कसं म्हणतात, हे कोर्टातच विचारू' असं पाटील म्हणाले.
