नितेश राणे : दगा कोणी दिला हे उद्धव ठाकरेंना समजलं नाही

एकनाथ शिंदे यांच्यासह ४० आमदारांनी बंड केल्यानंतर उद्धव ठाकरे यांच्यासह शिवसेनेतील सर्व नेत्यांनी त्यांना गद्दार म्हटले आहे. तसेच ज्यांना मंत्री केले त्यांनीच दगा दिला, असा आरोपही उद्धव ठाकरे यांनी केला आहे. पण आता उद्धव ठाकरे यांच्या या आरोपाला भाजपचे आमदारा नितेश राणे यांनी उत्तर दिले आहे.

“उद्धवजी ठाकरे म्हणतात, की मला एकनाथ शिंदे यांच्या बरोबर गेलेल्या आमदारांनी दगा दिला. मी उद्धव ठाकरे यांना सांगेन की, दगा नेमका कोणी दिला हे खऱ्या अर्थाने पहायचे असेल तर आपण आपल्या घरातून सुरूवात केली पाहिजे” असा टोला नितेश राणे यांनी लगावला आहे. आपल्या अवतभोवती असलेले जे कधी निवडून न येणारे लोक आहेत, त्यांनी तुम्हाला खऱ्या अर्थाने दगा दिला, हे उद्धव ठाकरेंना समजलं नाही, असेही नितेश राणे यांनी म्हटले आहे. “उद्धव ठाकरे यांना सुरुवातच करायची असेल तर ती आपल्या भाच्यापासून करा, ज्यांनी अडीच वर्षांच्या कारकिर्दीमध्ये जी तुमची बदनामी केली, सत्तेचा गैरवापर केला, लोकांच्या घराबाहेर जाणं. लोकांच्या घराबाहेर धिंगाणा घातला” त्यांच्याबद्दल कारवाई करा, असा सल्लाही नितेश राणे यांनी दिला आहे.