टरबूज फोडून पंकजा मुंडे समर्थकांनी व्यक्त केली नाराजी

बुलडाणा : पंकजा मुंडे यांना विधान परिषदेचे तिकीट नाकारण्यात आल्याने त्यांच्या समर्थकांमध्ये नाराजी आहे. भाजपने आयात उमेदवारांना तिकिटे दिली. मात्र गोपीनाथ मुंडे यांनी महाराष्ट्रात भाजप वाढवला, त्यांच्या कन्या, माजी मंत्री पंकजा मुंडे यांना तिकीट नाकारले, अशी नाराजी मुंडे समर्थकांनी व्यक्त केली आहे. पंकजा यांना भाजपने विधानपरिषद तिकीट नाकारल्याने आक्रमक झालेल्या मुंडे समर्थकांनी बुलडाणा जिल्ह्यातील देऊळगावराजा येथे टरबूज फोडून निषेध केला. यावेळी विरोधी पक्षनेते देवेंद्र फडणवीस यांच्या विरोधात घोषणाबाजी करण्यात आली आहे.