अमेरिकेत मेंदू इम्प्लांटने चमत्कार, भारतात मेंदू बिघडवून टाकण्याचे राजकीय षडयंत्र : जग कुठे, आम्ही कुठे?

America अमेरिकेतील Noland Arba नोलंड अरबा असे त्याचे नाव आहे. त्याला झाला होता paralyzed लकवा. इंग्रजीत म्हणतात क्वाड्रीप्लेजिया. मेंदूचे नियंत्रण शरीरावरचे नाहीसे झालेले. एआय किंवा artificial intelligence कृत्रिम बुद्धिमत्ता वापरून संशोधन करणाऱ्या Neuralink न्यूरालिंक संस्थेने त्याच्या मेंदूत ऑपरेशन करून कृत्रिम एआय वडी बसवली. आणि अरबा कॉम्प्युटरसमोर बसून हातात माउस घेऊन कॉम्प्युटरचा कर्सर चालवू लागला! एवढा बदल एआय नावाच्या विज्ञानाने scienceघडवला! देवाने नव्हे!!

आमच्या इथे चांगले असलेले मेंदू बिघडवून टाकण्याचे राजकीय षडयंत्र अहोरात्र चालू आहे. इथल्या लोकांच्या मेंदूत वेगवेगळ्या चिप्स किंवा वड्या बसवण्याचे काम चालू आहे. हिंदू-मुस्लिम वडी, गांधी-नेहरू वडी, गाय-गोबर वडी, वगैरे असंख्य वड्या भारतातल्या नोलांडांच्या डोक्यात बसवून इथले राज्यकर्ते मोकळे झालेले आहेत ! मेंदूतील ज्या शिरा असतात तशाच कृत्रिम शिरा विज्ञानाने बनवून मेंदूत बसविण्याचा यशस्वी प्रयत्न केला आहे. न्यूरालिंक संस्थेने ब्रेन कॉम्प्युटर इंटरफेस किंवा बीसीआय तंत्रज्ञान वापरून मेंदू रोग व मेंदू कार्य यावर संशोधन चालू केले आहे. ज्यामध्ये मेंदू आणि कॉम्प्युटर यांना एकत्रित करून मेंदूच्या अकार्यक्षमतेवर मात करता येऊ शकेल!

आमच्या इथे कॉम्प्युटरचा वापर फेकू गिरी करणे, Fake News खोट्या पोस्ट टाकणे, नेहरू-गांधी-काँग्रेस वगैरे यांच्या खोट्या तयार केलेल्या चित्रांची मालिका प्रसिद्ध करणे, चालू आहे!! तिकडे न्यूरोसर्जिकल रोबोट तयार करून मेंदूवर शस्त्रक्रिया करणारे यंत्र आले आहे. मेंदूतील शिरांच्या विद्युत चुंबकीय लहरी वापरून गुंतागुंतीची शस्त्रक्रिया येथे केली जाते. कॅलिफोर्निया, सेंट फ्रान्सिसको, बर्कले या विद्यापीठांनी येथे हे संशोधन अथक परिश्रमाने तयार केले आहे.

आमच्या येथे चीन मधून रोबोट आणून फेक वातावरण तयार करून 'विकसित भारत' वगैरे बडबडून राजकीय पोळी भाजण्याचे परिश्रम गलगोट्या खेळणाऱ्या विद्यापीठांकडून घेतले जात आहेत! तर आमच्या विद्यापीठांना आदेश आहेत की इतिहासात आपल्या धर्मात विज्ञान कसे होते हे सांगा. सध्या काय चालू आहे याच्याविषयी मात्र ठणठणाट आहे! ऑपरेशन करणारा रोबोट जो आहे तो कपडे शिवणाऱ्या मशीन सारखा मेंदूमध्ये कृत्रिम शिरा जे रोपण करतो या शिरा २५ मायक्रोमीटर म्हणजे मिलिमीटरचा एक हजारावा भाग, या साईजच्या असतात. एकावेळी ४८ ते ९६ शिरांचे रोपण करता येते. पॉलीमाईड, टंगस्टन, रेनियम, अशा धातूंपासून बनवलेल्या या मेंदू शीरा आहेत.

आमच्या इथे कोण देशभक्त व कोण देशद्रोही अशा शिरांचे रोपण मेंदूत करण्यात सत्ताधाऱ्यांचे मेंदू गुंतले आहेत! कोणत्या धातूपासून कोणती हत्यारे तयार करता येतील हे शोधण्यात सारी तरुणाई खर्ची घातली जात आहे. मेंदूत रोपण केलेल्या शिरांच्या मधून कॉम्प्युटरमध्ये माहिती गोळा केली जाते. म्हणजे मेंदूतील माहिती जेव्हा कॉम्प्युटरमध्ये येऊन आपल्याला समजते तेव्हा मेंदूचे कार्य कसे चालू आहे याचा अंदाज येतो. आमच्या इथे इतिहासाची मढी काढून उकरून ती मेंदूत घुसवून इथला युवा वर्ग कसा आपल्याला मदत करेल याचा अंदाज दिवस रात्र घेतला जात आहे.

सध्या तरी स्पायनल कॉर्ड इंजुरी व अमायट्राॅफिक लॅटरल स्क्लेरोसिस (एएलए) नावाच्या विकारांवर मात करता येऊ शकेल अशी परिस्थिती रोबोट मुळे निर्माण झाली आहे. आमच्या इथे मंत्र, बुवा, महाराज, त्यांचे आशीर्वाद, त्यांचे चमत्कारी उपाय करून घेण्यासाठी झुंडीच्या झुंडी दरबारात हजेरी लावत आहेत!

ऑगस्ट 2024 मध्ये, "अलेक्स" या टोपणनावाच्या दुसऱ्या माणसावर एक चिप यशस्वीरित्या रोपण केली गेली. हा अलेक्स कॅड सॉफ्टवेअर वापरून ऑटोडेस्क फ्यूजन वगैरे कार्य करू शकला आहे. 3 डी डिझाइन तयार केलाय. तो पूर्वीपेक्षा उच्च स्तरावर व्हिडिओमध्ये असलेला नेमबाज खेळ खेळला आहे! आमच्या इथे मतदारांच्या डोक्यात फेक आयडी भरून मतदान करायला लावण्याचा खेळ खेळला जातो आहे. न्युरालिंक कंपनी अमेरिकेची. तिच्याबरोबर सध्या स्पर्धा सुरू आहे चीनच्या न्यूरोजेस या कंपनीची. दोघांचीही समान घोडदौड चालू आहे. पण चीनने हे तंत्रज्ञान स्वस्तात विकसित केले आहे हे विशेष !!

आमचे स्पर्धा पाकिस्तान बरोबर चालू आहे. त्यांच्यासारखेच कडवे आम्ही आहोत आणि तेथे आम्ही सत्ता स्थापन अखंड भारत करू अशी स्वप्ने व गाजर दाखवत जनतेला भुलवून ठेवण्यात यशस्वी झालो आहे !! जग कुठे चालले आहे... आणि, आम्ही कुठे चालले आहोत.. याचे भान हरपलेला समाज विश्वगुरू आणि ब्रम्हांड पादाक्रांत करेल हे विसरून गेलेले बरे!

-डॉ. प्रदीप पाटील