पदभार स्वीकारताच मंत्री यशोमती ठाकूर यांची अधिकाऱ्यांसोबत बैठक, योजनांचा विभागीय स्तरावर घेणार आढावा...
महिला व बालविकास विभागासंदर्भात असणाऱ्या योजनांचा व कामकाजाचा विभागीय पातळीवर आढावा घेणार असल्याचं महिला व बालविकास मंत्री यशोमती ठाकूर (Yashomati Thakur)यांनी सांगितलं आहे. महिला व बालविकास विभागामार्फत विविध योजनांचे सादरीकरण सह्याद्री आथितिगृह येथे करण्यात आलं. महिला व बालविकास मंत्री यशोमती ठाकूर यांनी कार्यभार घेतल्यानंतर दुसऱ्या दिवशी लगेच आढावा बैठक घेऊन कामकाजास सुरुवात केली.
राज्यगृह व संरक्षणगृह, निराश्रीत स्त्रियांसाठी प्रशिक्षण केंद्र, आधारगृह चालवणाऱ्या स्वयंसेवी संस्थांना अनुदान, विविध व्यवसायभिमुख शिक्षण घेणाऱ्या महिलांना विद्यावेतन, देवदासी व त्यांच्या मुलांचे शिक्षण पुनर्वसन, स्वयंसिद्धा योजना, कामधेनू योजना व अन्य योजनांचे सादरीकरण विभागाद्वारे करण्यात आले.
हे ही वाचा
इराण- अमेरिका संघर्ष, कुणाचा तोटा, कुणाचा फायदा?
रवीश कुमार यांचा ब्लॉग : आपल्याच देशातील आठ राज्यांमध्ये पंतप्रधान आणि गृहमंत्र्यांना जाता येत नाही
इराण- अमेरिका संघर्ष, कुणाचा तोटा, कुणाचा फायदा?
शासकीय बालगृह व निरीक्षण गृह, निराश्रीत बालकांसाठी संस्थेतर सेवा (बालसदन बालकाश्रम), बालगृहं व जोपासना, अनाथालये व राष्ट्रीय शिशु कक्ष निधी अंतर्गत केंद्रिय अनुदान प्राप्त पाळणाघर योजना या सर्व बालविकासासंदर्भातील योजनांचे सादरीकरण देखील यावेळी करण्यात आले.
विविध विभागांची सद्यस्थिती सुरु असलेले कार्य व योजना यांची सविस्तर माहिती घेऊन विकासकामांच्या दृष्टीने उपाययोजनांच्या सूचना मंत्री यशोमती ठाकूर यांनी दिल्या. सादरीकरणानंतर त्यांनी विविध विभागातील अधिकाऱ्यांच्या समस्या जाणून घेतल्या.
यावेळी महिला व बालविकास सचिव आय. ए. कुंदन, आयसीडीएस आयुक्त इंद्रा मालो तसेच बालहक्क आयोगाचे अधिकारी, व्यवस्थापकीय संचालक, ‘माविम’ तथा महिला व बालविकास विभागाचे वरिष्ठ अधिकारी उपस्थित होते.
