"राज ठाकरे चौकशीला निघालेत की सत्यनारायणाच्या पूजेला?"

मनसेअध्यक्ष राज ठाकरे चौकशीसाठी आज 'ईडी'च्या कार्यालयात दाखल झाले. मात्र यावरून आता राजकीय वातावरण तापायला लागलंय. सामाजिक कार्यकर्त्या अंजली दमानिया यांनी यावरून राज ठाकरेंवर टीका केलीय. राज ठाकरे सहकुटुंब सहपरिवार 'ईडी'च्या चौकशीला निघालेत का सत्यनारायणाच्या पूजेला? हे सर्व नाटक असून राज यांचे सर्व कुटुंब मिळून ईडीला माहिती देणार आहे का? असा सवाल अंजली दमानिया यांनी केलाय.

राज ठाकरे सहकुटुंब सहपरिवार ED च्या चौकशीला निघालेत का सत्यनारायणाच्या पूजेला? बायको, मुलगा, सून, मुलगी आणि बहीण? सगळे मिळून माहिती देणार का? काय हा drama? का सहनुभी गोळा करण्याचा हा प्रयत्न

— Mrs Anjali Damania (@anjali_damania) August 22, 2019

चौकशीसाठी कुटुंबातील सदस्यांना घेऊन जाणं हे राज यांचं नाटक असून सहानुभूती मिळवण्याचा प्रयत्न असल्याचंही दमानिया यांनी म्हटलंय.