कोल्हापूरात पंचगंगा नदीत बस कोसळून, १३ जणांचा मृत्यू

कोल्हापूरात पंचगंगा नदीवरील पुलावरुन एक मिनी बस नदीत कोसळून झालेल्या भीषण अपघातात १३ जण ठार झाले आहेत.  शुक्रवारी रात्री ११.४५ वाजण्याच्या सुमारास हा भीषण अपघात घडला. मृतांमध्ये 16 वर्षाखालील 7 मुला मुलींचा समावेश आहे, तर तीन स्त्रीयांची प्रकृती गंभीर आहे. गणपतीपुळे येथून देवदर्शन करुन कोल्हापूरमार्गे पुण्याकडे जाताना हा अपघात झाला. या अपघातात पुण्यातील पिरंगुट-बालेवाडी येथील नागरिकांचा समावेश आहे.

चालकाचा गाडीवरील ताबा सुटल्याने झाला अपघात…

२६ जानेवारीला लागून आलेल्या सलगच्या सुट्ट्यांमुळे पुण्याच्या बालेवाडी आणि पिरंगुट परिसरात राहणारे भरत केदारी , संतोष वरखडे , दिनेश नांगरे यांचे कुटुंबीय कोकण पर्यटनासाठी १७ सीटर मिनी ट्रॅव्हलरमधून (एमएच १२ एनएस ८५५६) निघाले होते. त्यादरम्यान कोल्हापूरच्या शिवाजी पुलावर चालकाचा गाडीवरील ताबा सुटला आणि पुलाचा दगडी कठडा तोडून बस थेट १०० फूट खोल असणाऱ्या पंचगंगा नदीच्या पात्रात कोसळली.

पहाटे चार वाजेपर्यंत सुरु होते रेस्क्यू ऑपरेशन…

१०० फूट खोल दरीत गाडी कोसळल्याचा आवाज ऐकूण त्याच परिसरातील तरुणांनी बचावकार्य सुरु केलं. ही माहिती आपत्ती व्यवस्थापनाला समजल्यावर पोलीस,फायरब्रिगेड, घटनास्थळी दाखल झाले आणि रेस्क्यू ऑपरेशन सुरू केलं. सुरुवातीला पाण्यात बुडालेल्या गाडीतील ७ जणांना काढण्यात यश आलं. परंतु तासभर प्रयत्न करून देखील मिनी बस गाळातच रुतून बसल्यामुळे गाडीतील इतर प्रवाशांना बाहेर काढता आलं नाही. कोल्हापूर पोलीस, फायरब्रिगेड, समाजसेवी संस्था आणि कोल्हापुरातील तरुणांच्या मदतीने पहाटे चार वाजेपर्यंत रेस्क्यू ऑपरेशन सुरू होते.

मृतांची नावे 

गौरी वरखडे (वय १६)

ज्ञानेश्वरी वरखडे (वय १४)

संतोष वरखडे (वय ४५)

साहील केदारी (वय १४)

निलम केदारी (वय २८)

भावना केदारी (वय ३५)

सचिन केदारी (वय ३४)

संस्कृती केदारी (वय ८)

श्रावणी केदारी (वय ११)

सानिध्य केदारी (१० महिन्यांचं बाळ)

प्रतिक नांगरे (वय १४)

छाया नांगरे (वय ४१)

बसचालक (वय २८

जखमींची नावे…

प्राजक्ता दिनेश नागरे (वय १८ वर्षे)

मनिषा संतोष वरखडे (वय ३८ वर्षे)

 मंदा भरत केदारी ( वय ५४ वर्षे)

 

LEAVE A REPLY

Please enter your comment!
Please enter your name here